បចេ្ចកវិជ្ជារបស់ព្រះជាម្ចាស់៖ សត្វស្លាប ធៀបនិងយន្តហោះ (Flight: God's Technology vs. Human Technology)

10/24/2018

  នៅក្នុងលំហអាកាស មានពោរពេញទៅដោយបច្ចេកវិជ្ជា ម៉ាស៊ីនហោះហើរដ៍ទំនើបៗ ល្អអស្ចារ្យជាងយន្តហោះទាំងឡាយ ដែលមនុស្សធ្លាប់បានបង្កើតមកទៅទៀត។ តើអ្វីទៅជាវត្ថុហោះហើរ ដែលមានបច្ចេកវិជ្ជាខ្ពស់ ដ៏ទំនើបនោះ?
   ការនេះពិតជាគ្មានអ្វីជាអាថ៌កំបាំងទេ បច្ចេកវិជ្ជាដ៍ទំនើបអស្ចារ្យ ដែលហោះហើរជុំវិញយើង និងហោះនៅលើមេឃទាំងអស់នោះ គឺជាសត្វស្លាប នឹងសត្វល្អិតដែលហើរ។ ទោះបីជាយើងឃើញ សត្វទាំងអស់នោះជារៀងរាល់ថ្ងៃក៏ដោយ យើងតែងតែមិនសូវបានយកចិត្តទុកដាក់ថា សត្វទាំងអស់នោះពិតជាមានបច្ចេកវិជ្ជាដ៍ទំនើបអស្ចារ្យយ៉ាងណា នោះទេ។
   មើលនេះជាឧទាហរណ៍ដែលបញ្ជាក់ថា សត្វស្លាប នឹងសត្វល្អិតមានបច្ចេកវិជ្ជាទំនើបអស្ចារ្យជាង យន្តហោះ ឧទ្ធម្ភាគចក្រ កាំជ្រួចផ្លោង និងសូម្បីតែយានអវកាសដែលមនុស្សបានបង្កើតមកហើយនោះ។
   ដំបូងបង្អស់ បក្សី និងសត្វល្អិត គឺមានជីវិត។ គ្រប់អ្វីៗទាំងអស់ដែលមានជីវិត ត្រូវបានបង្កើតឡើង ដោយបច្ចេកវិជ្ជាដ៍ទំនើបបំផុត ដូចជាឌីអិនអេ នឹងកោសិកា។ ឌីអិនអេមានកម្រិតបច្ចេកវិជ្ចាខ្ពស់ជាងប្រពន្ធ័កម្មវិធីកុំព្យូទ័រណាមួយ ដែលមនុស្សធ្លាប់បានដាក់ឲ្យប្រើទៅទៀត ហើយឯកោសិកាវិញ មានដូចជាទីក្រុងអតិសុខុមទស្សន៍ជាច្រើន។ បច្ចេកវិជ្ជាដ៏មានកម្រិតខ្ពស់បំផុតមួយរបស់មនុស្ស មិនអាចនឹងបង្កើតឡើង ដើម្បីប្រកួតប្រជែងជាមួយ សូម្បីតែវត្ថុធាតុមានជីវិត ដ៍តូចមួយនេះបានទេ។
   មានមនុស្សភាគច្រើនអាចកំណត់អត្តសញ្ញាណឧទាហរណ៍នៃបច្ចេកវិជ្ចា ដែលមនុស្សបានបង្កើត យ៉ាងងាយស្រួល។ បច្ចេកវិជ្ចាទាំងនោះ មានដូចជា យន្តហោះ រថយន្ត កុំព្យូទ័រ អគារ និងអ្វីៗ ផ្សេងទៀតជាច្រើន ដែលមនុស្សបានបង្កើតឡើង។ ទោះជាយ៉ាងណាក៏ដោយ មនុស្សភាគច្រើនមិនអាចកំណត់ ពីគំរូនៃបច្ចេកវិទ្យាដែលព្រះបានបង្កើតឡើង បាននោះទេ។ បច្ចេកវិជ្ជារបស់ព្រះ អាចរកឃើញនៅក្នុងធម្មជាតិ ដែលមាននៅក្នុងសកលលោក ផែនដី បក្សី សត្វល្អិត ហើយនឹងមនុស្ស។
   ឥឡូវនេះ ចូរឲ្យយើងធ្វើការប្រៀបធៀប រវាងបច្ចេកវិជ្ជារបស់ព្រះដែលមាននៅក្នុងបក្សី នឹងសត្វល្អិត ទៅនឹងបច្ចេកវិជ្ជាដ៍មានកម្រិតខ្ពស់បំផុតរបស់មនុស្ស។ នៅក្នុងករណីនេះ ចូរយើងប្រៀបធៀបបច្ចេកវិជ្ចារបស់មនុស្ស ដូចជាយន្តហោះ ទៅនឹងបច្ចេកវិជ្ចារបស់ព្រះដែលមាននៅក្នុងបក្សី ក្នុង៥ប្រភេទផ្សេងៗគ្នា៖
   ១. រចនាល្អ គ្មានគូប្រៀប
   ២. ល្បឿនសម្រាប់ទំហំ
   ៣. ការចុះចត
   ៤. ការជួសជុល និង
   ៥. ផលិតកម្ម
   ប្រភេទទី១ នៅក្នុងការប្រកួតនេះ គឺការរចនា។ ទោះបីជាបងប្អូនប្រុស វ្រៃ(wright) បានសាងសង់យន្តហោះទទួលជោគជ័យជាលើកដំបូងនៅក្នុងឆ្នាំ១៩០៣ យ៉ាងណាក៏ដោយ បក្សី និងសត្វល្អិតបានហោះហើររួចទៅហើយ ចាប់តាំងពីព្រះបានបង្កើតពួកគេមកម្លេះ។ អស់រយៈពេលរាប់រយពាន់ឆ្នាំមកហើយ ដែលមនុស្សយើងបានសង្កេតមើលសត្វស្លាប ហើយនិងសត្វល្អិតទាំងអស់នោះ ទាំងព្យាយាមថតចម្លងរូបរាង និងការហោះហើររបស់ពួកវា។ ទោះបីជាយន្តហោះសម័យទំនើបមានល្បឿនលឿន ហើយអាចហោះបានឆ្ងាយជាងយន្តហោះដែលបានបង្កើតឡើង ដោយបងប្អូនវ្រៃ(wright)យ៉ាងណាក៏ដោយ។ ក៏វិស្វករយន្តហោះសព្វថ្ងៃ នៅតែបន្តថតចម្លងម៉ូដរបស់បក្សី និងសត្វល្អិត ដើម្បីធ្វើអោយយន្តហោះកាន់តែប្រសើរជាងមុនទៅទៀត។ តាមរយៈការថតចំលងការរចនារបស់ព្រះជាម្ចាស់ បានរកឃើញនៅក្នុងសត្វស្លាប និងសត្វល្អិតហោះហើរទាំងនោះ ពួកវិស្វករដែលបង្កើតយន្តហោះទាំងនោះ បានអះអាងទទួលស្គាល់ថា បច្ចេកវិជ្ជារបស់ព្រះ មានការេចនាខ្ពស់ អស្ចារ្យជាងបច្ចេកវិជ្ចារបស់ពួកគេ។ ដូចនេះ ផ្នែកបច្ចេវិជ្ជា និងការរចនារបស់ព្រះជាម្ចាស់ ឈ្នះការប្រកួតនៅក្នុងចំណាត់ថ្នាក់ទី១នេះ។
   ប្រភេទទី២ គឺល្បឿនសម្រាប់ទំហំ។ វាជាការពិតណាស់ថា យន្តហោះមានទំហំធំជាងហើយលឿនជាងសត្វបក្សី ឬការហោះហើររបស់សត្វល្អិត។ ក៏ប៉ុន្តែ ដើម្បីធ្វើឲ្យការប្រៀបធៀបមានភាពត្រឹមត្រូវ នោះយើងគួរតែគណនាសមាមាត្ររបស់ល្បឿនទៅនឹងទំហំ ឬក៏ប្រវែងរបស់ដងខ្លួន។ យន្តហោះដែលមានល្បឿនលឿនជាងគេបំផុតនោះគឺ SR-71 ហៅថាបក្សីខ្មៅ របស់សហរដ្ឋអាមេរិកដែលមានល្បឿនដល់ទៅ៣២០០គីឡូម៉ែតក្នុងមួយម៉ោង។ ចំណែកឯបក្សីដែលហោះលឿនជាងគេ នោះគឺសត្វស្ទាំងដែលអាចហោះមានល្បឿនដល់ទៅ៣០០គីឡូម៉ែត ក្នុងមួយម៉ោង។ យន្តហោះSR-71គឺមានប្រវែង៣១ម៉ែត ចំណែកឯសត្វស្ទាំងវិញ មានប្រវែងដងខ្លួនប្រមាណជា៤០សង្ទីម៉ែត្រ(០.៤ម៉ែត) តែប៉ុណ្ណោះ។ នេះមានន័យថា យន្តហោះមានទំហំធំជាងដល់ទៅ៧៧ដង វែងជាងបក្សី។ នៅក្នុងករណីនេះ ប្រសិនបើបក្សីមានប្រវែងដូចគ្នាជាមួយនឹងយន្តហោះ នោះបក្សីអាចហោះលឿនជាង គឺមានល្បឿនដល់ទៅ៣២,០០០គីឡូម៉ែត ក្នុងមួយម៉ោង។ ដូច្នេះ បច្ចេកវិជ្ជារបស់ព្រះ ឈ្នះការប្រកួតប្រជែងនៅក្នុងផ្នែកនេះ ដោយប្រៀបធៀបពីទំហំ។
   ប្រភេទទី៣ នៅក្នុងការប្រកួតនេះ គឺការចុះចត។ យន្តហោះភាគច្រើន តម្រូវឲ្យមានផ្លូវចុះចត និងហោះឡើង ចម្ងាយវែង ប៉ុន្តែ ចំពោះបក្សីវិញ គឺមានភាពងាយស្រួលក្នុងការចុះលើសំបុក ឬក៏ទុំលើមែកឈើ។ មានយន្តហោះមួយចំនួនអាចធ្វើការឡើងចុះ ដោយមិនចាំបាច់ត្រូវការផ្លូវសម្រាប់ធ្វើការចុះចតដែរ ប៉ុន្តែ អ្វីដែលសំខាន់នោះគឺ យន្តហោះមិនអាចចុះចតនៅលើមែកឈើ ឬក៏ទុំលើសំបុកបានទេ។ មានសត្វល្អិតជាច្រើនអាចទុំនៅលើជញ្ជាំង ឬក៏អាចទុំនៅលើពិដានក្បាលចុះក្រោមបាន។ ដូច្នេះ បច្ចេកវិជ្ជារបស់ព្រះឈ្នះ ការប្រកួតប្រជែងនៅក្នុងផ្នែកនេះទៀតដែរ។
   ប្រភេទទី៤ សម្រាប់ការប្រកួតនេះ គឺការជួសជុល។ យន្តហោះត្រូវការពួកជាង ឲ្យធ្វើការជួសជុល នៅពេលដែលវាត្រូវបានខូច។ ចូរនឹកចាំថា មនុស្សគឺមានជីវិតរស់នៅ ដូច្នេះហើយត្រូវរាប់ថាជាបច្ចេកវិជ្ជារបស់ព្រះជាម្ចាស់។ មួយវិញទៀត សត្វបក្សីមានសមត្ថភាពអាចជាសះស្បើយដោយខ្លួនឯង ពីការរងរបួសស្រាល ហើយនឹងត្រូវការជំនួយពីគ្រូពេទ្យសត្វ ប្រសិនបើមានរបួសធ្ងន់ធ្ងរ។ មើលចុះ បច្ចេកវិជ្ជារបស់ព្រះ បានឈ្នះម្តងទៀត។
   ប្រភេទទី៥ និងជាការប្រកួតចុងក្រោយ គឺផលិតកម្ម។ យន្តហោះត្រូវបានរចនាឡើងដោយវិស្វករមនុស្ស ហើយកសាងឡើងនៅក្នុងរោងចក្រ ដែលត្រូវបានសាងសង់ឡើងដោយមនុស្សដែរ។ និយាយឲ្យខ្លីទៅ គឺបច្ចេកវិជ្ជាទំនើបរបស់មនុស្ស ត្រូវពឹងផ្នែកលើបច្ចេកវិជ្ជារបស់ព្រះជាម្ចាស់ ក៏ប៉ុន្តែ បច្ចេកវិជ្ជារបស់ព្រះមិនត្រូវការបច្ចេកវិជ្ជារបស់មនុស្សនោះទេ។ ម៉្យាងវិញទៀត ប្រសិនបើអ្នកមានសត្វបក្សីញីឈ្មោលមួយគូរ ឬសត្វល្អិតដែលហើរ នោះគឺពួកវាអាចបង្កើតឲ្យមានបក្សី និងសត្វល្អិតដូចជាពួកវាបានទៀត។ ឧទាហរណ៍ សត្វរុយផ្លែរឈើញីមួយអាចបង្កើតពងបានប្រហែលជា៥០០ពង។ រីឯយន្តហោះវិញ គឺមិនមានជីវិតរស់ វាមិនមានជាភេទញី ឬឈ្មោលនោះទេ ហើយពួកវាមិនទាំងអាចចូលជិតគ្នា ដោយមិនមានគ្រោះថ្នាក់នោះក៏ទេដែរ។ ដូចនេះសរបញ្ជាក់អោយយើងឃើញយ៉ាងច្បាស់ថា បច្ចេកវិជ្ជារបស់ព្រះ ក៏បានឈ្នះ ការប្រកួតប្រភេទនេះផងដែរ។ សរុបមកការប្រកួតនេះ លទ្ធផលគឺបច្ចេកវិជ្ជារបស់ព្រះ បានឈ្នះលើបច្ចេកវិជ្ជាទំនើបរបស់មនុស្ស ៥ទល់នឹងសូន្យ។
   ខាងក្រោមនេះ ជាមេរៀនដ៏សំខាន់មួយចំនួន ដែលយើងអាចរៀនពីការប្រៀបធៀបនៃបច្ចេកវិទ្យាខ្ពស់ និងបច្ចេកវិទ្យារបស់ព្រះ។
   ១. បច្ចេកវិជ្ជារបស់ព្រះ បានរកឃើញនៅក្នុងរបស់សព្វសាររពើដែលមានជីវិត ដូចជាសត្វល្អិត សត្វស្លាប ហើយនិងមនុស្ស គឺជាបច្ចេកវិជ្ជាខ្ពង់ខ្ពស់ជាងម៉ាស៊ីនទាំងឡាយដែលជាបច្ចេកវិជ្ជារបស់មនុស្ស។ព្រះជាម្ចាស់បានមានព្រះបន្ទូលនៅក្នុងគម្ពីរអេសាយ៥៥:៩ថា“ ដ្បិតដែលផ្ទៃមេឃខ្ពស់ជាងផែនដី យ៉ាងណា នោះអស់ទាំងផ្លូវរបស់អញ ខ្ពស់ជាងផ្លូវរបស់ឯង ហើយគំនិតរបស់អញ ក៏ខ្ពស់ជាងគំនិតរបស់ឯងរាល់គ្នាយ៉ាងនោះដែរ ”។
   ២. ប្រសិនបើបច្ចេកវិជ្ជាបង្កើតយន្តហោះរបស់មនុស្ស មិនដែលអាចកើតឡើងដោយការចៃដន្យនោះទេ ហើយថែមទាំងតម្រូវឲ្យមានអ្នករចនា នឹងអ្នកបង្កើតដ៏មានប្រាជ្ញាវាងវៃ។ ការនេះបានធ្វើឲ្យយើងដឹងយ៉ាងច្បាស់ថា អ្វីៗដែលមានជីវិតរស់នៅ ដូចជាសត្វល្អិត សត្វបក្សី ហើយនឹងមនុស្ស ត្រូវតែបាន បង្កើតឡើង ដោយព្រះជាម្ចាស់។
   ៣. មនុស្សមានតម្លៃខ្ពស់ វិសេសជាងសត្វស្លាប សត្វល្អិត ហើយនឹងសត្វដ៍ទៃផ្សេងៗទៀត។នៅក្នុងគម្ពីរម៉ាថាយ១០:២៩-៣១ ព្រះយេស៊ូគ្រីស្ទបានមានព្រះបន្ទូលថា“ តើគេមិនលក់ចាប២ថ្លៃ១លុយទេឬអី តែគ្មានចាបណាមួយធ្លាក់ទៅដី ឥតព្រះវរបិតានៃអ្នករាល់គ្នាជ្រាបឡើយ ៣០សូម្បីតែសក់ក្បាលរបស់អ្នករាល់គ្នា ក៏បានរាប់ទាំងអស់ដែរ ៣១យ៉ាងនោះមិនត្រូវឲ្យខ្លាចឡើយ អ្នករាល់គ្នាមានដំឡៃ លើសជាងចាបជាច្រើន ”។
   វាពិតជាត្រឹមត្រូវណាស់ដែលថា បច្ចេកវិជ្ជារបស់មនុស្ស និងមិនដែលអាចប្រជែងជាមួយការបង្កើត របស់ព្រះជាម្ចាស់បានឡើយ ពីព្រោះថា យើងជាមនុស្សដែលព្រះបានបង្កើតមក។ កត្តានេះ មិនគួរធ្វើឲ្យយើងមានការអាក់អន់ចិត្តនោះទេ វាគួរតែធ្វើអោយយើងមានសន្តិភាពនៅក្នុងចិត្ត ពីព្រោះថាព្រះជាម្ចាស់ មានអំណាច នឹងប្រាជ្ញាខ្ពស់ហួសវិស័យមនុស្ស។ ដូច្នេះហើយ ព្រះអង្គអាចមើលថែរក្សាយើងបាន។
   គម្ពីរយ៉ូហាន៣:១៦ពិតជាបានចែងថា“ដ្បិតព្រះទ្រង់ស្រឡាញ់មនុស្សលោក ដល់ម៉្លេះបានជាទ្រង់ប្រទានព្រះរាជបុត្រាទ្រង់តែ១ ដើម្បីឲ្យអ្នកណាដែលជឿដល់ព្រះរាជបុត្រានោះ មិនត្រូវវិនាសឡើយ គឺឲ្យមានជីវិតអស់កល្បជានិច្ចវិញ ”។ ប្រសិនបើយើងទទួលយកសេចក្តីសង្គ្រោះរបស់ព្រះយេស៊ូគ្រិស្ត ដែលទ្រង់ប្រទានឲ្យ យើងអាចមានសេចក្តីសង្ឃឹមនៃជីវិតអស់កល្បជានិច្ចនៅឯឋានសួគ៌។ ពីព្រោះព្រះទ្រង់គង់នៅជាពិត ហើយទ្រង់ថែមទាំងធំប្រសើរឧត្តមជាងមនុស្ស ដែលគ្មានអ្វីដែលមនុស្សណាមួយអាចធ្វើ ដើម្បីយកសេចក្ដីសង្ខឹមនោះ ចេញពីយើងបានឡើយ។ នេះពិតជាដំណឹងល្អមែន! វាមិនមែនជាដំណឹងល្អ គ្រាន់តែធ្ធ្វើឲ្យយើងមានអារម្មណ៍ល្អប៉ុណ្ណោះទេ។ វាជាដំណឹងល្អ ពីព្រោះនេះគឺជាការពិត៕

ប្រសិនបើអ្នកចង់ដឹងបន្ថែមអំពីព្រះដែលបង្ហាញខ្លួនគាត់នៅក្នុងធម្មជាតិនិងប្រវត្តិសាស្ត្រអ្នកអាចទាញយកនិងចែករំលែកវីដេអូភាសាខ្មែរដោយឥតគិតថ្លៃជាភាសាខ្មែរនៅ:
If you want to know more about God revealing himself in nature and history, you can download and share free Khmer language Christian videos at:
www.internationalfishers.com/khmer
www.facebook.com/internationalfishers
www.youtube.com/evidencecambodia