របៀបស្គាល់ពីសេចក្តីពិត (How To Know Truth)

នៅក្នុងពិភពលោកយើងនេះ មានអ្នកដឹកនាំ អ្នកវិទ្យាសាស្ត្រ គ្រួបង្រៀន និងមនុស្សជាច្រើនទៀត ដែលមានសិទ្ធិប្រកាសពីការស្គាល់ និង បង្រៀនពីសេក្តីពិត។ ប៉ុន្តែ នៅពេលយើងស្តាប់ពីពួកគេ យើងបានរកឃើញថាពួកគេបានបង្រៀនខុសពីគ្នា។ នេះបញ្ជាក់ថាពួកគេមិនអាចប្រាប់ ពីសេចក្តីពិតបានឡើយ។ ប្រហែលជាអ្នកមានសិទ្ធិទាំងនេះសម្តែងក្នុងការប្រាប់ពីសេចក្តីពិត។ ប៉ុន្តែ តើយើងអាចដឹងថាតើអ្នកណាខុស អ្នកណាត្រូវបានទេ។ វាប្រហែលជាអាចដែលថាអ្នកជំនាញទាំងអស់នេះគឺខុស ដូច្នេះហើយយើងត្រូវតែរកឲ្យ ឃើញ និងស្គាល់ពីសេចក្តីពិតដោយខ្លួនយើងផ្ទាល់។ 
នៅក្នុងកណ្ឌគម្ពីរ យ៉ូហាន ជំពូក ៨:៣២ ព្រះយេស៊ូមានបន្ទូលថា ”អ្នករាល់គ្នានឹងស្គាល់ សេចក្តីពិត ហើយសេចក្តីពិតនឹងរំដោះអ្នករាល់គ្នាឲ្យមានសេរីភាព។” នៅពេលដែលយើងជឿទៅលើរឿងដែលមិនពិត ទោះបីជាមកពីវប្បធម៌ គ្រូសារ គ្រូបង្រៀន ឬក៏សូម្បីតែអ្នកដែលបានប្រកាសថាខ្លូនជាអ្នកជំនាញក៏ដោយ វាបានផ្តល់ឲ្យយើងជាប់នូវចំណង។ គ្រប់ពេលយើងជឿលើរឿងដែលមិនពិតប្រាកដ វាប្រាកដណាស់ដែលយើងនិង បដិសេធ     សេចក្តីពិតផ្សេងទៀត ហើយទទួលយកនូវរឿងកុហកមួយផ្សេងទៀត។ ដំណើរការនេះនៅតែបន្តៗរហូតទាល់តែយើង មិនអាចគិតឲ្យបានច្បាស់លាស់ផង។ ប៉ុន្តែនៅពេលយើងទទួលយកសេចក្តីពិតភ្លាម វានឹងដឹកនាយើង ដើម្បីកុំឲ្យទទួលយកនូវការកុហក និងរកឃើញពីសេចក្តីពិតដទៃទៀត រហូតទាល់តែយើងមានសេរីភាពម្តងទៀត។ 
 នៅក្នុងកណ្ឌគម្ពីរ រ៉ូម ជំពូក ១២:២ បានចែងថា “មិនត្រូវយកតម្រាប់តាមនិស្ស័យលោកីយ៍នេះឡើយ ត្រូវទុកឲ្យព្រះជាម្ចាស់កែប្រែចិត្តគំនិតបងប្អូន ឲ្យទៅជាថ្មីទាំងស្រុងវិញ ដើម្បីឲ្យបងប្អូនចេះពិចារណាមើលថា ព្រះជាម្ចាស់សព្វព្រះហឫទ័យនឹងអ្វីខ្លះ គឺអ្វីដែលល្អ ដែលគាប់ព្រះហឫទ័យព្រះអង្គ និងគ្រប់លក្ខណៈ។”
ពេលខ្លះយើងត្រូវបានល្បួងឲ្យជឿតាមអ្វីដែលអ្នកជំនាញទាំងនោះបាននិយាយ ដោយព្រោះតែពួកគេមានចំណេះដឹងខ្ពស់ ឫក៏មានតំណែងដែលមានសិទ្ធិអំណាច។ ប៉ុន្តែមានអ្នកដឹកនាំដែលដើរតាមសេចក្តីងងឹត ហើយសូម្បីតែអ្នកដឹកនាំសាសនាមួយចំនួនគឺមិនត្រូវបានលើកទឹកចិត្តដោយព្រះគម្ពីរឡើយ។ កណ្ឌគម្ពីរកិច្ចការ ជំពូក១៧:១១ ចែងថា “សាសន៍យូដានៅក្រុងនេះ មានសន្តានចិត្តល្អ ជាងសាសន៍យូដានៅក្រុងថេស្សាឡូនិក គឺគេបានទទួលព្រះប​ន្ទូលដោយចិត្តស្មោះសរ ហើយពិនិត្យពិច័យមើលគម្ពីរជារៀងរាល់ថ្ងៃ ដើម្បីឲ្យដឹងថា សេចក្តីដែលលោកប៉ូល និងលោកស៊ីឡាស មានប្រសាសន៍ប្រាប់គេ ពិតជាត្រឹមត្រូវមែន ឬយ៉ាងណា។” ក្នុងករណីនេះ លោកសាវ័កប៉ូល គឺជាអ្នកដែលមានចំណេះដឹងខ្ពស់ម្នាក់ ហើយគាត់ត្រូវបានតែងតាំងយ៉ាងពិសេសជាតំណែងសាវ័ក ដោយអង្គព្រះយេស៊ូ    ផ្ទាល់។ ជាងនេះទៅទៀត លោកប៉ូល នៅក្រោមការបណ្តាលចិត្តដោយព្រះវិញ្ញាណបរិសុទ្ធ ឲ្យសរសេរសបុត្រជាច្រើន  ដែលឥឡូវនេះ វាគឺជាផ្នែកដ៏ធំមួយនៃ កណ្ឌគម្ពីរសញ្ញាថ្មី។ ប៉ុន្តែ បើទោះបីជាមានសិទ្ធិអំណាចទាំងនេះ លោកប៉ូលនៅតែត្រូវបានលើកទឹកចិត្តដោយសាសន៍យូដា ដើម្បីស្រាវជ្រាវពីបទគម្ពីរ ដើម្បីឲ្យដឹងថា អ្វីដែលគាត់បង្រៀនគឹជាការពិត។ 
សេចក្តីពិតនៃដំណឹងល្អរបស់ព្រះយេស៊ូគ្រិស្ត ពឹងទៅលើការមានព្រះជន្មរស់ឡើងវិញរបស់ព្រះយេស៊ូគ្រិស្ត។ កណ្ឌគម្ពីរ ១កូរិនថូស ជំពូក១៥:១៤ បញ្ចាក់យ៉ាងច្បាស់ថា “ហើយបើព្រះគ្រិស្ត មិនបានរស់ឡើងវិញទេ សេចក្តីដែលយើងប្រកាស មុខជាគ្មានន័យអ្វីសោះឡើយ ហើយជំនឿរបស់បងប្អូន ក៏គ្មានន័យអ្វីដែរ។” ព្រះយេស៊ូ មិនគ្រាន់តែបានប្រកាសថាមានព្រះអង្គមានព្រះជន្មរស់ឡើងវិញពីសេចក្តីស្លាប់ទេ ហើយទ្រង់មិនបានសង្ឃឹមថាអ្នកដើរតាមទ្រង់នឹងជឿងទ្រង់នោះទេ ផ្ទុយទៅវិញ ទ្រង់បានបង្ហាញអង្គទ្រង់ទៅកាន់ពួកគេដោយផ្ទាល់។    
សាវ័កប៉ូល ក៏បានសរសេរនៅក្នុងកណ្ឌគម្ពីរ១កូរិនថូស ១៥:៣-៩ “មុនដំបូងបង្អស់ ខ្ញុំជម្រាបជូនបងប្អូននូវសេចក្តីដែលខ្ញុំបានទទូល គឺថា ព្រះគ្រិស្តបានសោយទិវង្គត ដើម្បីរំដោះបាបយើង ស្របតាមគម្ពីរ។ គេបានបញ្ចុះព្រះសពព្រះអង្គនៅក្នុងផ្នូរ ហើយព្រះអង្គមានព្រះជន្មរស់ឡើងវិញនៅថ្ងៃទីបី ស្របតាមគម្ពីរ។ ព្រះបានបង្ហាញខ្លួនឲ្យលោកកេផាសឃើញ រួចឲ្យក្រុមសាវ័ក ទាំងដប់ពីររូបឃើញដែរ។ បន្ទាប់មក ព្រះអង្គបានបង្ហាញខ្លួនឲ្យបងប្អូនជាងប្រាំរយនាក់ឃើញក្នុងពេលជាមួយគ្នា។ ក្នុងចំណោមបងប្អូនទាំងនោះមានភាគច្រើននៅរស់នៅឡើយ តែមានអ្នកខ្លះបានទទួល មរណភាព ផុតទៅហើយ។ បន្ទាប់មកទៀត ព្រះអង្គបានបង្ហាញខ្លួន ឲ្យលោកយ៉ាកុបឃើញ​ រួចឲ្យសាវ័កទាំងអស់ឃើញ។ ក្រោយបង្អស់ ព្រះអង្គបានបង្ហាញខ្លួនឲ្យខ្ញុំ ដែលប្រៀបបីដូចជាកូនកើតមិនគ្រប់ខែនេះឃើញដែរ។ ដ្បិតក្នុងចំណោមសាវ័កទាំងអស់ ខ្ញុំជាអ្នកតូចជាងគេ ហើយមិនសមនឹងមានឈ្មោះជាសាវ័កទៀតផង ព្រោះខ្ញុំបានបៀតបៀនក្រុម ជំនុំរបស់ព្រះជាម្ចាស់។” វាគឺជារឿងបែបនេះ និងមានភស្តុតាងផ្សេងទៀត ដែលក្រុមសាវ័កមានជាជំនឿរបស់ពួកគេ ហើយគ្រិស្តបរិស័ទត្រូវបានកើតមក និងបានយកឈ្នះលើការបៀតបៀនទាំងអស់។
ដូច្នេះហើយ តើអ្វីដែលជាសេចក្តីពិតរបស់ព្រះយេស៊ូគ្រិស្ត? ប្រហែលជាមានសេចក្តីសង្ខេបខ្លីនៅក្នុងកណ្ឌគម្ពីរយ៉ូហាន ជំពូក ៣:១៦ ដែលព្រះយេស៊ូមានបន្ទូលថា “ព្រះជាម្ចាស់ស្រឡាញ់ មនុស្សលោកខ្លាំងណាស់ ហេតុនេះហើយបានជាព្រះអង្គប្រទានព្រះបុត្រា តែមួយរបស់ព្រះអង្គមក ដើម្បីឲ្យអស់អ្នកដែលជឿលើព្រះបុត្រា មានជីវិតអស់កល្បជានិច្ច គឺមិនឲ្យគេវិនាសឡើយ។” 
ព្រះយេស៊ូគ្រិស្តគឺជាព្រះ និងជាមនុស្ស១០០ភាគរយ។ ទ្រង់បានប្រទានដំណឹងល្អដល់យើង និងបានបញ្ជាក់ថាវាជាសេចក្តីពិត ដោយទ្រង់មានព្រះជន្មរស់ឡើងវិញ។​ គ្មាននរណាម្នាក់មានសិទ្ធិកែប្រែសេចក្តីពិតឡើយ។ លោកសាវ័កប៉ូល បានបញ្ចាក់យ៉ាងច្បាស់នៅក្នុង កណ្ឌគម្ពីរ កាឡាទីជំពូក ១:៨ “ប្រសិនបើមាននរណាម្នាក់ ទោះបីយើងក្តី ឬទេវតា ណាមួយពីស្ថានបរមសុខក្តី នាំដំណឹងល្អណាផ្សេងមកប្រាប់បងប្អូន ខុសប្លែកពីដំណឹងល្អ ដែលយើងបាននាំមកជូនបងប្អូន សូមឲ្យអ្នកនោះ ត្រូវបណ្តាសាទៅចុះ!។” មានសាសនាខុសឆ្គងជាច្រើនបានកើតមានឡើង ដោយព្រោះមានមនុស្សមា្នក់មានស្តាប់សាតាំង ដែលបានតាំងខ្លួនជាទេវតាម្នាក់ ហើយបានបង្រៀនព្រះបន្ទូលដល់ពួកគេ ដែលខុសពីសេចក្តីពិតរបស់ព្រះយេស៊ូគ្រិស្ត។ នេះហើយគឺជាគំនិតដ៏ល្អមួយក្នុងការអាន និងរៀនពីព្រះបន្ទូល ដែលគ្រូគង្វាល ឬក៏អ្នកដឹកនាំក្រុមជំនុំណាម្នាក់បង្រៀនដោយខ្លួនឯងផ្ទាល់​ ប្រសើរជាងការគ្រាន់តែស្តាប់ការបង្រៀនព្រះបន្ទូល ដោយពុំមានការពិចារណា ថាតើគ្រូគង្វាលបង្រៀនត្រូវ ឬក៏ខុស។ របៀបនេះនឹងបង្រៀនអ្នកឲ្យសិក្សាថែមទៀតអំពីព្រះជាម្ចាស់ និងយល់ពីព្រះគម្ពីរថែមទៀត ទាំងនៅព្រះវិហារ និងនៅផ្ទះ។ ជំហានបន្ទាប់ទៀត គឺជាការប្រើប្រាស់របៀបដូចគ្នានៃអ្នកស្រាវជ្រាវដោយផ្ទាល់​ និងបញ្ជាក់នៅសាសា កន្លែងការងារ នៅពេលអ្នកអានសៀវភៅជាច្រើន ការប្រើប្រាស់អ៊ីនធឺណែត ឬក៏មើលវីឌីអូដូចនេះ។ 
ជាយូរមកហើយ យើងជឿទៅលើសេចក្តីកុហក ពីព្រោះពួកគេគឺមកពីមនុស្ស ដែលយើងគិតថាជាអ្នកជំនាញ ឬក៏ជាអ្នកដើរតួដែលមានសិទ្ធិអំណាច។ ការនេះត្រូវបានគេហៅថា  “ភស្តុតាងមកពីគ្រូក្លែងក្លាយ។” វាគឺមានលក្ខណៈដូចនេះ
១. បុគ្គល A មានសិទ្ធិអំណាចទៅលើប្រធានបទមួយដ៏ជាក់លាក់។ ឧទាហរណ៍ បុគ្គល  A មានសញ្ញាប័ត្របណ្ឌិត ហើយគឺជាសាស្រ្តាចារ្យនៅសកលវិទ្យាល័យ។ 
២. បុគ្គល A បាននិយាយអំពីប្រធានបទនោះ។
៣. ដូច្នេះហើយ អ្វីដែលបុគ្គល A និយាយាគឺត្រឹមត្រូវ។  
តើអ្នកឃើញបញ្ហានេះទេ? បុគ្គល A  អាចនឹងធ្វើខុស កំពុងកុហក ឬក៏ ត្រឹមត្រូវ។ អ្នកមិនដឹងពិតប្រាកដទេ លុះត្រាតែអ្នកពិនិត្យមើលទៅលើគំនិតរបស់បុគ្គល A ដែលប្រឆាំងទៅនឹងភស្តុតាង ដែលពួកគេបានផ្តល់ឲ្យ ហើយនិងភស្តុតាងដទៃទៀត មកពីប្រភពផ្សេងទៀត ដោយព្រោះភស្តុតាងរបស់ពួកគេ អាចនិងក្លែងក្លាយផងដែរ។ 
នេះគឺជាឧទាហរណ៍ពីជីវិតពិតមួយ។ លោកបណ្ឌិត រីឆាត ដាវឃីន​ ( Richard Dr. Dawkins) គឺជាអ្នកដែលមិនជឿទៅលើព្រះអាទិទេពដ៏ល្បីម្នាក់ និងត្រូវបានគេគោរពបំផុតនៅក្នុងពិភពលោក។​ គាត់មានសញ្ញាប័ត្រ បរិញ្ញាប័ត្រ អនុបណ្ឌិត និងបណ្ឌិត ជាអ្នកសិក្សាខាង   សត្វ។ គាត់ទទួលបានរង្វាន់ជ័យលាភីណូបែលពីការបង្រៀនរបស់គាត់។ ដូច្នេះហើយ គាត់ត្រូវបានគេចាត់ទុកថាជាអ្នកជំនាញម្នាក់។ 
លោកបណ្ឌិត រីឆាត ដាវឃីន​ (Richard Dr. Dawkins) បានសរសេរសៀវភៅមួយក្បាលនៅក្នុងឆ្នាំ២០០៩ ដែលគាត់បានបកស្រាយពីផ្នែកនៃរាងកាយ គាត់បានគិតថា “ការរចនាដោយមិនមានភាពឆ្លាតវៃ” នៅក្នុងខ្លួនសត្វ និងមនុស្ស ហើយគាត់បានសរសេរថា “គំនិតដ៏លើសលប់ ដែលអ្នកបានទទួលពីការស្រាវជ្រាវពីគ្រប់ផ្នែកនៃសត្វដ៏ធំមួយគឺវាមានភាពស៊ាំញ៉ាំ!...ការរចនាដ៏គ្រប់លក្ខណៈមួយ គឺមិនបានធ្វើឡើយដោយមានភាពស៊ាំញ៉ាំឡើយ នោះគឺជាការប្រទាក់ខ្វាត់ខ្វែងគ្នានៃ សរសៃឈាមក្រហាម សរសៃឈាមខ្មៅ ប្រព័ន្ធប្រសាទ ពោះវៀន  បណ្តុំនៃសាច់ដុំ ក្រពេញរំអិល និងប្រព័ន្ធជាច្រើនទៀត។”   
ខណៈពេលដែលលោកបណ្ឌិត ដាវឃីន​ (Dr. Dawkins)  អាចជាអ្នកឆ្លាតវៃម្នាក់ ត្រូវបានគេគោរព និងជាមនុស្សដែលមានចំនេះដឹងខ្ពស់។ យើងត្រូវតែប្រុងប្រយ័ត្ន មិនត្រូវទទួលយកគំនិតរបស់គាត់ដោយពុំមានការពិចារណនោះឡើយ ថាតើការនិយាយរបស់គាត់ពិត  ឬក៏ខុស។ 
បញ្ហាមួយគឺថា លោកបណ្ឌិត ដាវឃីន​ (Dr. Dawkins) ប្រហែលជាគាត់បានចំណាយពេលច្រើននៅក្នុង បណាល័យ ឬក៏បន្ទប់ពិសោធន៍ ជាងជាងម៉ាងស៊ីនៅក្នុងហាង។ ប្រសិនបើគាត់បានជួសជុលរថយន្តមួយ ឬក៏ពិនិត្យយ៉ាងច្បាស់លាស់ ទៅលើម៉ាស៊ីនរថយន្តដែលកំពុងជួសជុល ភ្លាមនោះគាត់ប្រហែលជាអាចគត់សំគាល់ពីរថយន្តទំនើបនោះ វាក៏មានប្រព័ន្ធស៊ាំញ៉ាំមួយដែរ ដែលមាន ខ្សែភ្លើង ទុយយោ បំពង់ ខ្សែក្រវ៉ាត់ ឧបករណ៍ស្ទង់ ឧបករណ៍ស្រូប ម៉ាស៊ីប្រើកម្លាំងទឹក ម៉ាស៊ីបូម ប្រព័ន្ធម៉ាស៊ីន ប្រព័ន្ធចម្លង ប្រព័ន្ធម៉ាស៊ីត្រជាក់ ប្រព័ន្ធបញ្ឈប់ និងប្រព័ន្ធជាច្រើនទៀត។ ឥឡូវនេះ អ្នកអាចទិញរថយន្តហ្វដ(Ford) ស៊េរីថ្មី២០១៩នៅក្នុងប្រទេសកម្ពុជាបាន។ ហ្វដ  គឺជាក្រុមហ៊ុនរថយន្តរបស់អាមេរិច ដូច្នេះហើយ ពួកគេក៏បានផលិតរថយន្តជាច្រើន អស់រយៈពេល១០០ឆ្នាំមកហើយ ចាប់តាំងពីឆ្នាំ១៩១៩។ ប្រសិនបើអ្នកប្រៀបធៀបរថយន្តពីរប្រភេទ ទាំងពីរផលិតដោយក្រុមហ៊ុនដូចគ្នា អ្នកនិងរកឃើញនៅក្នុងតួរថយន្តនោះ រថយន្តហ្វដ ស៊េរី២០១៩ មានប្រព័ន្ធជាច្រើន “ប្រព័ន្ធខ្វាត់ខ្វែងគ្នាស៊ាំញ៉ាំ” នៃ ខ្សែភ្លើង បំពង់ ខ្សែក្រវ៉ាត់ និងផ្នែកជាច្រើនទៀត ជាងរថយន្តហ្វដ ឆ្នាំ ១៩១៩។​ 
 លោកបណ្ឌិត ដាវឃីន​ (Dr. Dawkins) បាននិយាយថា “ប្រព័ន្ធខ្វាត់ខ្វែងស៊ាំញ៉ាំ” គឺជា       ភស្តុតាងនៃការរចនាដ៏អាក្រក់។ តើវាជាការពិតទេ? រថយន្តហ្វដ ស៊េរី២០១៩ គឺមានល្បឿនលឿន សុវត្ថិភាព និងមានផាសុខភាពច្រើនជាង រថយន្តហ្វដ ស៊េរី ១៩១៩។ ហេតុផលដែល រថយន្តហ្វដ ស៊េរី ២០១៩ គឺល្អជាងនៅគ្រប់ផ្នែកទាំងអស់ ជាងរថយន្តហ្វដ ស៊េរី ១៩១៩ គឺដោយព្រោះ វាមាន ម៉ាស៊ីនត្រជាក់ ប្រព័ន្ធចម្លងដោយស្វ័យប្រវត្តិ ប្រព័ន្ធកំសាន្ត និង       លក្ខណៈពិសេសៗជាច្រើនទៀត។ ប្រព័ន្ធបច្ចេកវិទ្យាទំនើបនីមួយៗ នៃរថយន្តហ្វដ ស៊េរី ២០១៩ ត្រូវការ ខ្សែភ្លើង ខ្សែងក្រវ៉ាត់ និងបំពង់ ជាច្រើនទៀត ហើយពួកវាក្លាយទៅជាប្រភេទដែលមានប្រព័ន្ធខ្វាត់ខ្វែងស៊ាំញ៉ាំមួយ។
ប្រសិនបើ អ្នកជឿថារថយន្តមួយមិនមាន ខ្សែភ្លើង ខ្សែក្រវ៉ាត់ និងបំពង់ខ្វាត់ខ្វែងស៊ាំញ៉ាំ គឺជាការរចនាដ៏ល្អប្រសើរនោះទេ អ្នកប្រហែលជាអាច ជ្រើសរើសកង់ ឬក៏ស្បែកជើងផ្ទាត់មួយគូរ ជំនួសឲ្យរថយន្តហ្វដ ស៊េរី ២០១៩វិញ ពីព្រោះសូម្បីតែ រថយន្តហ្វដ ស៊េរី ១៩១៩ ក៏មានប្រព័ន្ធខ្វាត់ខ្វែងស៊ាំញ៉ាំដែរ វាមានដូចជា ខ្សែភ្លើង ខ្សែងក្រវ៉ាត់ និងបំពង់ ប៉ុន្តែ វាគឺជារថយន្តហ្វដ ដែលបានរចនាដោយសាមាញ្ញមួយ ជាងរថយន្តហ្វដ ស៊េរី ២០១៩។ 
តើព្រះគម្ពីរបានចែងថាយ៉ាងដូចម្តេច អំពីការរចនាខ្លួនប្រាណមនុស្សរបស់ព្រះ? ទំនុកតម្កើង ជំពូក ១៣៩:១៣-១៤ បានចែងថា “ព្រះអង្គបានបង្កើតទូលបង្គំមក ព្រះអង្គបានបង្កប់ទូលបង្គំនៅក្នុងផ្ទៃម្តាយ។ ទូលបង្គំសូមលើតម្កើងព្រះអង្គ ដ្បិតទូលបង្គំជាស្នាព្រះហស្ថដ៏ល្អអស្ចារ្យ ទូលបង្គំដឹងច្បាស់ថាអ្វីៗដែលព្រះអង្គធ្វើសុទ្ធតែល្អអស្ចារ្យទាំងអស់។” អ្នកប្រាជ្ញខាងព្រះគម្ពីរ ជឿថា ទំនុកតម្កើងជំពូក ១៣៩ ត្រូវបានសរសេរដោយស្តេចដាវីឌ នៅក្នុងឆ្នាំ ១០៤៨ មុនគ្រិស្តសគរាជ ឬក៏ប្រហែលជានៅឆ្នាំ ៣០៦៦កន្លងមកហើយ។ បទគម្ពីរបានចែងថា ព្រះជាម្ចាស់បាន “បង្កប់ទូលបង្គំ។” ប្រសិនបើ អ្នកសិក្សាពីក្រណាត់ អ្នកនិងរកឃើញថា វាក៏មានភាពខ្វាត់ខ្វែងស៊ាំញ៉ាំនៃសរសៃអំម្បោះដែរ។ ក្រណាត់មិនមែនកើតមកដោយភាពចៃដន្យនោះទេ។ វាគឺត្រូវបានគេផលិតឡើង។ 
គោលបំណងនៃការ បដិសេធការបកស្រាយរបស់  លោកបណ្ឌិត ដាវឃីន​ (Dr. Dawkins) គឺមិនមែនធើ្វឲ្យមានការអៀនខ្មាស់ ឬក៏ការចំអកដល់គាត់ទេ។ បញ្ហាគឺថា មានមនុស្សជាច្រើន គឺពិតជាបានបដិសេធ នូវជីវិតអស់កល្ប ការសង្គ្រោះ និងការអត់ទោស ដែលបាន  ផ្តល់ឲ្យតាមរយៈសេចក្តីពិតនៃព្រះយេស៊ូ ដោយព្រោះពួកគេជឿលើការនិយាយារបស់ លោកបណ្ឌិត រីឆាត ដាវឃីន​ (Dr. Dawkins) ដែលមិនមានព្រះទាល់តែសោះ។ មនុស្សជាច្រើន មិនបានចំណាយពេលពិនិត្យមើលពីគំនិតរបស់គាត់ ជាមួយនិងការពិត ឬក៏ភស្តុតាងរបស់ពួកគេផ្ទាល់ឡើយ។ សេចក្តីពិត គឺជាសេចក្តីពិត ហើយការកុហក គឺជាការកុហកមិនថានរណានិយាយាពីវាឡើយ។ 
នៅក្នុងកណ្ឌគម្ពីរ យ៉ូហាន ជំពូក ១៤:៦ “ព្រះយេស៊ូមានបន្ទូលទៅគាត់ថា៖ ខ្ញុំហ្នឹងហើយជាផ្លូវ ជាសេចក្តីពិត និងជាជីវិត។ គ្មាននរណាម្នាក់អាចទៅកាន់ព្រះបិតាបានឡើយ លើកលែងតែទៅតាមរយៈខ្ញុំ។” ប្រសិនបើ អ្នកបើកដួងចិត្តរបស់អ្នកទទួលយកសេចក្តីពិត អ្នកនិងទទួលបានសេរីភាព ការអត់ទោស និងការសង្គ្រោះនៅក្នុងព្រះយេស៊ូគ្រិស្ត។

How To Know Truth English.pdf
File Size:	34 kb
File Type:	pdf

Download File

---