|
ចូរយើងស្រមៃ នៅពេលដែលចៅហ្វាយគាត់ប្រាប់ឲ្យយើងទៅព្រលានយន្តហោះដើម្បីទទួលកូនប្រុសរបស់គាត់ ។ ជំនួសឲ្យការបង្ហាញនូវរូបថត គាត់បានរៀបរាប់អំពីកូនប្រុសរបស់គាត់មកកាន់យើង ហើយប្រាប់យើងពីពេលវេលាដែលកូននឹងមកដល់ ។ ពេលនោះគាត់អាចនឹងរៀបរាប់អំពី អាយុ កម្ពស់ មាឌ ភ្នែក សក់ ស្បែក និងសម្លៀកបំពាក់ដែលកូនគាត់ពាក់ នៅពេលមកដល់ព្រលានយន្តហោះ ។ ប្រសិនបើយើងចាប់អារម្មណ៍ឲ្យបានជិតជាមួយនិងដំណើរដើមទងដែលបានប្រាប់នោះ យើងអាចនិងរកឃើញកូនប្រុសរបស់ចៅហ្វាយនាយយើងជាមិនខាន ។ មានគ្រិស្តបរិស័ទជាច្រើន បានចំណាយពេលវេលាសិក្សាអំពីព្រះយេស៊ូតាមរយៈព្រះគម្ពីរសញ្ញាថ្មី ក៏ប៉ុន្តែគេអាចមិនបានយល់ អំពីការរៀបរាប់របស់ព្រះវរបិតាស្តីអំពីរូបអង្គព្រះយេស៊ូគ្រិស្ត ដែលបានសម្តែងក្នុងព្រះគម្ពីរសញ្ញាចាស់ ដែលកើតមានតាំងពីយូរលង់រាប់រយឆ្នាំ មុនពេលព្រះអង្គយាងមកចាប់កំណើត ។ ការរៀបរាប់ទាំងឡាយ គឺជារូបភាពមួយយ៉ាងសំខាន់ ដែលអាចជួយឲ្យយើងយល់កាន់តែខ្លាំងឡើង ពីជីវិតនិងសេចក្តីបង្រៀនរបស់ព្រះយេស៊ូ ។ ហើយក៏ជាការបើកសម្តែងយ៉ាងជាស្តែងផងដែរ (សម្រាប់គ្រូៗ) ដល់អ្នកដឹកនាំសាសនាជនជាតិយូដា មុនពេលដែលព្រះយេស៊ូបានប្រសូត ដែលពួកគេតែងបង្រៀនអំពីការយាងមកដល់របស់ព្រះអង្គសង្រ្គោះ ឬ ព្រះមែស៊ី ។ គួរឲ្យសោកស្តាយដែលអ្នកដឹកនាំទាំងនោះ បានបដិសេដ្ឋ មិនទទួលព្រះអង្គជាព្រះសង្គ្រោះ នៅគ្រាដែលទ្រង់បានយាងមកដល់ ទោះជាយ៉ាងនេះក្តី ទំនាយទំាំងឡាយបានបង្ហាញថាគឺទ្រង់នេះហើយ ។ ជាលទ្ធផលដែលគេបានធ្វើគឺសហការជាមួយជនជាតិរ៉ូម ដើម្បីឆ្កាងព្រះយេស៊ូ ។ លុះក្រោយមក ព្រះអង្គបានរស់ឡើងវិញ ទ្រង់បានជួបជាមួយនិងសិស្សពីរនាក់ដែលដើរតាមផ្លូវទៅកាន់ភូមិ អេម៉ោស ស ។ លូកា ២៤:១៤-២៧ “គេកំពុងតែនិយាយគ្នា ពីអស់ទាំងការដែលកើតមានមកនោះ កាលគេកំពុងតែនិយាយគ្នា ហើយរិះគិតដូច្នេះ នោះព្រះយេស៊ូវក៏ចូលមក យាងជាមួយនឹងគេដែរ តែភ្នែកគេត្រូវថ្ពឹន មិនឲ្យស្គាល់ទ្រង់ទេ ទ្រង់មានព្រះបន្ទូលទៅគេថា តើរឿងអ្វី ដែលអ្នកនិយាយគ្នា កំពុងដែលដើរទៅ ដោយមានមុខស្រងូតដូច្នេះ ឯម្នាក់ដែលឈ្មោះក្លេវប៉ាស គាត់ឆ្លើយថា តើអ្នកស្នាក់នៅក្នុងក្រុងយេរូសាឡិមតែម្នាក់ឯងទេឬអី បានជាមិនដឹងការដែលកើតមកនៅគ្រានេះ ទ្រង់មានព្រះបន្ទូលថា តើការអ្វីហ្នឹង នោះគេឆ្លើយថា គឺពីដំណើរលោកយេស៊ូវ ពីស្រុកណាសារ៉ែត ជាហោរា ដែលការលោកធ្វើ និងពាក្យសំដីរបស់លោក សុទ្ធតែមានឫទ្ធិ នៅចំពោះព្រះ និងបណ្តាជនទាំងឡាយផង ហើយពីបែបយ៉ាងណា ដែលពួកសង្គ្រាជ និងពួកនាម៉ឺនយើងខ្ញុំ បានបញ្ជូនលោកទៅ ឲ្យជាប់ទោសដល់ជីវិត ហើយឆ្កាងលោកផង តែយើងខ្ញុំបានសង្ឃឹមថា គឺលោកនេះហើយ ជាព្រះដែលរៀបនឹងប្រោសលោះសាសន៍អ៊ីស្រាអែលទាំងប៉ុន្មាន ឥឡូវនេះ ក៏មានការនេះថែមទៀត ដ្បិតនេះគំរប់៣ថ្ងៃហើយ តាំងពីការទាំងនោះកើតមក ហើយមានស្ត្រីខ្លះក្នុងពួកយើងខ្ញុំបាននាំឲ្យឆ្ងល់ដែរ ដោយបានទៅឯផ្នូរពីព្រលឹម តែរកសពលោកមិនឃើញសោះ ហើយគេមកប្រាប់យើងថា ឃើញទេវតាលេចមកប្រាប់ថា លោករស់ឡើងវិញហើយ មានពួកយើងខ្ញុំខ្លះបានទៅឯផ្នូរដែរ ក៏ឃើញដូចជាពួកស្រីបានថាមែន តែមិនបានឃើញរូបលោកទេ នោះទ្រង់មានព្រះបន្ទូលទៅគេថា ឱមនុស្សឥតពិចារណា ហើយក្រនឹងជឿអស់ទាំងសេចក្តី ដែលពួកហោរាបានទាយទុកមកអើយ តើមិនគួរឲ្យព្រះគ្រីស្ទរងទុក្ខទាំងនោះ ហើយចូលទៅក្នុងសិរីល្អនៃទ្រង់វិញទេឬអី រួចទ្រង់ក៏ស្រាយន័យសេចក្តី ដែលតម្រូវដល់ទ្រង់ ពីក្នុងគម្ពីរទាំងឡាយ ឲ្យគេស្តាប់ ចាប់តាំងពីគម្ពីរលោកម៉ូសេ និងគម្ពីរពួកហោរារៀងមក។ ” សាវកប៉ុលក៏បានផ្តល់នូវភស្តុតាងបែបនេះដែរ នៅក្នុងព្រះគម្ពីរកិច្ចការ ១៧: ១-៣ “ រីឯកាលបានដើរកាត់ក្រុងអាំភីប៉ូលី និងក្រុងអ័ប៉ុឡូនា នោះគេទៅដល់ក្រុងថែស្សាឡូនីច ជាកន្លែងដែលមានសាលាប្រជុំរបស់សាសន៍យូដា ប៉ុលក៏ចូលទៅឯគេតាមទំលាប់គាត់ ហើយជជែកពន្យល់ដល់គេតាមគម្ពីរ ក្នុង៣ថ្ងៃឈប់សំរាក ក៏បើកសំដែងយ៉ាងច្បាស់ថា ព្រះគ្រីស្ទត្រូវតែរងទុក្ខ រួចមានព្រះជន្មរស់ពីស្លាប់ឡើងវិញ គាត់ក៏និយាយថា ព្រះយេស៊ូវនេះឯង ដែលខ្ញុំប្រកាសប្រាប់ដល់អ្នករាល់គ្នា ទ្រង់ជាព្រះគ្រីស្ទនោះហើយ។” នៅក្នុងកិច្ចការ ១៨:២៧-២៨ លោកអាប៉ូឡូស ក៏បានប្រើប្រាស់តំណរដូចគ្នានេះដែរ ធ្វើជាភស្តុតាងសម្រាប់បង្ហាញថា ព្រះយេស៊ូគ្រិស្ត គឺជាព្រះមែស៊ី ។ “ រួចគាត់គិតនឹងទៅឯស្រុកអាខៃ នោះពួកជំនុំក៏ធ្វើសំបុត្រផ្ញើទៅ ទូន្មានពួកសិស្សឲ្យទទួលគាត់ លុះដល់ហើយ គាត់ក៏ជួយយ៉ាងសន្ធឹក ដល់ពួកអ្នកដែលជឿដោយព្រះគុណ ព្រោះគាត់ជជែកផ្ចាញ់ពួកសាសន៍យូដា នៅកណ្តាលជំនុំ ដោយប៉ិនប្រសប់ ទាំងបង្ហាញតាមគម្ពីរថា ព្រះយេស៊ូវជាព្រះគ្រីស្ទមែន។ ” មានអ្នកប្រាជ្ញជាច្រើន បានស្រាវជ្រាវជុំវិញទំនាយជាង៤០០ក្នុងព្រះគម្ពីរសញ្ញាថ្មី អំពីការយាងមកដល់របស់ព្រះមែស៊ីដែលទំនាយទាំងនោះគឺសម្រេចលើអង្គព្រះយេស៊ូគ្រិស្ត ។ អ្នកប្រាជ្ញសាសន៍យូដាជាច្រើន បានផ្លាស់ប្តូរការបកស្រាយទំនាយរបស់ខ្លួន អំពីការយាងមករបស់ព្រះមែស៊ី ក្រោយពេលដែលព្រះយេស៊ូរស់ពីសុគតឡើងវិញ ហេតុនេះគេមិនបានសំដៅមនុស្សទៅនិងព្រះយេស៊ូគ្រិស្ត ដែលជាព្រះមួយអង្គគត់ ដែលជាអ្នកសម្រេចគ្រប់សេចក្តីទំនាយទាំងឡាយ ។ នៅក្នុងខ្សែរវីដេអូ (ក្នុងអាសយដ្ឋានកេហទំព័រ) យើងនឹងឃើញឧទាហរណ៍មួយចំនួន នៃសេចក្តីទំនាយដែលបានសម្រេចនៅក្នុងជីវិតរបស់ព្រះយេស៊ូគ្រិស្ត ។ បទទំនាយទី១ ៖ ព្រះមែស៊ីនឹងត្រូវប្រសូត្រតាមរយៈស្រ្តីព្រហ្មចារី ក្នុងព្រះគម្ពីរ លោកុប្បត្តិ ៣:១៥ បាននិយាយថា “អញនឹងធ្វើឲ្យឯង ហើយនិងស្ត្រី គឺទាំងពូជឯង និងពូជនាងមានសេចក្តីខ្មាំងនឹងគ្នា ពូជនាងនឹងកិនក្បាលឯង ហើយឯងនឹងចឹកកែងជើងគេ” ទំនាយនេះគឺសំដៅលើព្រះយេស៊ូគ្រិស្តដែលមានកំណើតបរិសុទ្ធ ។ គ្រប់ទាំងមនុស្សជាតិនៅលើផែនដី គឺមានកំណើតពីពូជពង្សរបស់ឧពុកម្តាយ ។ ព្រះយេស៊ូគ្រិស្ត ដែលជាព្រះរាជបុត្រារបស់ព្រះជាម្ចាស់ គឺកើតចេញពីនារីព្រហ្មចារីតែម្នាក់គត់ ដែលជាម្តាយ គឺនាងម៉ារី ។ យើងមើលឃើញនូវទំនាយដែលបានសម្រេចនៅក្នុងព្រះគម្ពីរម៉ាថាយ ១:១៨ “រីឯកំណើតព្រះយេស៊ូវគ្រីស្ទ នោះបានកើតមកយ៉ាងដូច្នេះ គឺនាងម៉ារា មាតាទ្រង់ កាលដែលយ៉ូសែបបានដណ្តឹងនាងហើយ នោះនាងមានគភ៌ ដោយព្រះវិញ្ញាណបរិសុទ្ធ មុនដែលបាននៅជាមួយគ្នា” ព្រះគម្ពីរអេសាយ ៧:១៣-១៤ ក៏បានទទួលស្គាល់ទំនាយទាំងឡាយ ស្តីពីព្រះមែស៊ីដែលត្រូវកើតមកចេញពីស្រ្តីព្រហ្មចារី ។ “ដូច្នេះ អេសាយទូលថា ឱពូជពង្សរបស់ដាវីឌអើយ ចូរស្តាប់ឥឡូវចុះ ការដែលអ្នករាល់គ្នាធ្វើឲ្យរំខានចិត្តមនុស្ស នោះតើជាការតូចឬអី បានជាចង់រំខានដល់ព្រះហឫទ័យនៃព្រះរបស់ទូលបង្គំទៀតផង ដូច្នេះព្រះអម្ចាស់ទ្រង់នឹងប្រទានទីសំគាល់១មកអ្នករាល់គ្នា ដោយព្រះអង្គទ្រង់ មើល នាងព្រហ្មចារីនឹងមានគភ៌ប្រសូតបានបុត្រា១ ហើយនឹងឲ្យព្រះនាមថា អេម៉ាញូអែល” បទទំនាយទី២ ៖ ព្រះមែស៊ីត្រូវយាងមកក្នុងតំណរវង្សលោកអាប្រាហាំ និង អ៊ីសាក ព្រះគម្ពីរលោកុប្បត្តិ ២៦:២-៥ គឺជាទំនាយអំពីព្រះមែស៊ី ដែលត្រូវយាងមក តាមរយៈវង្សត្រកូលលោកអាប្រាហាំនិងអ៊ីសាក ។ “នោះព្រះយេហូវ៉ាលេចមកឯគាត់មានព្រះបន្ទូលថា កុំឲ្យចុះទៅឯស្រុកអេស៊ីព្ទឡើយ ចូរឯងនៅក្នុងស្រុកដែលអញនឹងប្រាប់ឯងវិញ ចូរសំណាក់នៅក្នុងស្រុកនេះចុះ នោះអញនឹងនៅជាមួយនឹងឯង ព្រមទាំងឲ្យពរផង អញនឹងឲ្យស្រុកទាំងនេះដល់ឯងនឹងពូជឯង ហើយអញនឹងសំរេចតាមសេចក្តីសម្បថ ដែលអញបានស្បថនឹងអ័ប្រាហាំឪពុកឯង អញនឹងចំរើនពូជឯងឲ្យបានដូចជាផ្កាយនៅលើមេឃ ហើយនឹងឲ្យស្រុកទាំងនេះទៅពូជឯង រួចគ្រប់ទាំងសាសន៍នៅផែនដីនឹងបានពរ ដោយសារពូជឯង ពីព្រោះអ័ប្រាហាំបានស្តាប់តាមពាក្យអញ ព្រមទាំងរក្សាបញ្ញើ និងបញ្ញត្ត ហើយច្បាប់ និងក្រឹត្យវិន័យរបស់អញ។” ព្រះគម្ពីរម៉ាថាយ ១:២ បានបង្ហាញនូវបញ្ជីឈ្មោះវង្សត្រកូលរបស់លោកអាប្រាហាំនិងលោកអ៊ីសាក ដែលជាអយការ(ដូនតា)របស់ព្រះយេស៊ូគ្រិស្ត ។ “អ័ប្រាហាំបង្កើតអ៊ីសាកៗ បង្កើតយ៉ាកុបៗ បង្កើតយូដា ហើយនិងបងប្អូនគាត់” បទទំនាយទី៣ ៖ ព្រះមែស៊ី ត្រូវយាងមកតាមរយៈវង្សត្រកូលរបស់ស្តេចដាវីដ អេសាយ ១១:១ ក៏បានរកឃើញនូវទំនាយអំពីព្រះមែស៊ី ថាទ្រង់ត្រូវប្រសូតក្នុងវង្សត្រកូលស្តេចដាវីដ “មានលំពង់១នឹងដុះចេញពីគល់របស់អ៊ីសាយហើយមែក១ ដែលចេញពីឫសគាត់ នឹងកើតមានផលផ្លែ” ម៉ាថាយ ១:១ បានមានបន្ទូលថា “នេះបញ្ជីពង្សាវតារពីព្រះយេស៊ូវគ្រីស្ទ ជាវង្សាហ្លួងដាវីឌ និងជាជំនួរវង្សនៃលោកអ័ប្រាហាំដែរ” បទទំនាយទី៤ ៖ ព្រះមែស៊ី ត្រូវយាងមកប្រសូតនៅក្នុងភូមិបេថ្លេហឹម ព្រះគម្ពីរមីកា៥:១-២ ក៏បានទាយទុកមកថា ព្រះមែស៊ីត្រូវប្រសូតនៅភូមិបេថ្លេហឹម ។ “តែឯង ឱបេថ្លេហិម-អេប្រាតាអើយ ឯងដែលតូចនៅក្នុងពួកយូដាទាំងពាន់ៗ នឹងមានម្នាក់កើតចេញពីឯងមកឲ្យអញ អ្នកនោះត្រូវឡើងជាអ្នកគ្រប់គ្រងលើអ៊ីស្រាអែល ដើមកំណើតរបស់អ្នកនោះបានចាប់តាំងពីបុរាណ គឺពីអស់កល្បរៀងមក ដូច្នេះ អ្នកនោះនឹងប្រគល់គេទៅដរាបដល់កំណត់នៃនាង ដែលឈឺនឹងសំរាលបានកើតកូនមក នោះសំណល់នៃពួកបងប្អូនរបស់អ្នកនោះ នឹងបានវិលត្រឡប់មកឯពួកកូនចៅអ៊ីស្រាអែលវិញ” នៅទីនេះមានឈ្មោះ “បេថ្លេហឹម” ពីរក្នុងប្រទេសអ៊ីស្រាអែល” ។ មួយជាភូមិ បេថ្លេហឹមក្នុងស្រុក អេប្រាថា និងមួយទៀតគឺជាបេថ្លេហឹមក្នុងស្រុកកាលីឡេ ។ “ភូមិបេថ្លេហឹមក្នុងស្រុក អេប្រាថា គឺជាភូមិតូចមួយជិតក្រុងយេរូសាឡឹម ក្បែរតំបន់វេសប៊ែង នៃទន្លេយ័រដាន់ដែលជារាជវាំងមុនរបស់ស្តេចដាវីដ ហើយក៏ជាកន្លែងដែលព្រះយេស៊ូបានប្រសូតមក ។” យើងមើលឃើញទំនាយបានសម្រេចក្នុងព្រះគម្ពីរម៉ាថាយ ២:១-៦ “កាលព្រះយេស៊ូវទ្រង់ប្រសូតមក នៅភូមិបេថ្លេហិម ស្រុកយូដា ក្នុងរាជ្យស្តេចហេរ៉ូឌ នោះមានពួកហោរ ពីទិសខាងកើត មកដល់ក្រុងយេរូសាឡិម សួរថា តើព្រះអង្គដែលប្រសូតមក ធ្វើជាស្តេចសាសន៍យូដា ទ្រង់គង់នៅឯណា ពីព្រោះយើងបានឃើញផ្កាយរបស់ទ្រង់ ពីទិសខាងកើតមក ហើយយើងមកថ្វាយបង្គំទ្រង់។ កាលស្តេចហេរ៉ូឌបានឮ នោះទ្រង់មានសេចក្តីវិតក្កព្រួយ ព្រមទាំងពួកអ្នកនៅក្រុងយេរូសាឡិមទាំងអស់គ្នាផង កាលបានប្រជុំពួកសង្គ្រាជ និងពួកអាចារ្យនៃបណ្តាជនមកសាកសួរពីព្រះគ្រីស្ទ ដែលទ្រង់ត្រូវប្រសូតនៅឯណា នោះគេក៏ទូលទ្រង់ថា នៅឯភូមិបេថ្លេហិមក្នុងស្រុកយូដា ព្រោះហោរាបានចែងសេចក្តីទុកមកដូច្នេះថា «ឯឯងបេថ្លេហិម ស្រុកយូដាអើយ ឯងមិនមែនតូចជាងគេ ក្នុងពួកចៅហ្វាយ នៅស្រុកយូដាទេ ដ្បិតនឹងមានចៅហ្វាយ១ចេញពីឯងមក ចៅហ្វាយនោះនឹងឃ្វាលអ៊ីស្រាអែល ជារាស្ត្រអញ»។” បទទំនាយទី៥៖ ព្រះមែស៊ី ត្រូវគេឆ្កាង ក្នុងព្រះគម្ពីរអេសាយ ៥៣:៣-៤ មានបន្ទូលថា “ទ្រង់ត្រូវគេមើលងាយ ហើយត្រូវមនុស្សបោះបង់ចោល ទ្រង់ជាមនុស្សទូទុក្ខ ហើយក៏ធ្លាប់ស្គាល់សេចក្តីឈឺចាប់ ទ្រង់ត្រូវគេមើលងាយ ដូចជាអ្នកណាដែលមនុស្សគេចមុខចេញ ហើយយើងរាល់គ្នាមិនបានរាប់អានទ្រង់សោះ។ ទ្រង់បានទ្រាំទ្រ រងអស់ទាំងសេចក្តីឈឺចាប់របស់យើង ហើយបានទទួលផ្ទុកអស់ទាំងសេចក្តីទុក្ខព្រួយរបស់យើងពិត ប៉ុន្តែយើងរាល់គ្នាបានរាប់ទ្រង់ទុកជាអ្នកមានទោសវិញ គឺជាអ្នកដែលព្រះបានវាយ ជាអ្នកដែលរងវេទនា” ព្រះគម្ពីរអេសាយ ៥៣:៧ ក៏បានមានបន្ទូលដែរ “ទ្រង់ត្រូវគេសង្កត់សង្កិន ហើយធ្វើទុក្ខ តែទ្រង់មិនបានហើបព្រះឱស្ឋសោះ គឺដូចជាកូនចៀមដែលគេដឹកទៅសំឡាប់ ហើយដូចជាចៀមដែលគនៅចំពោះពួកអ្នកកាត់រោមយ៉ាងណា ទ្រង់ក៏មិនបានហើបព្រះឱស្ឋសោះយ៉ាងនោះដែរ” ទំនុកតម្កើង ២២:១ មានបន្ទូលថា “ឱព្រះនៃទូលបង្គំ ព្រះនៃទូលបង្គំអើយ ហេតុអ្វីបានជាទ្រង់លះចោលទូលបង្គំ ហើយគង់ឆ្ងាយឥតជួយទូលបង្គំ ឬស្តាប់សេចក្តីដំងូររបស់ទូលបង្គំដូច្នេះ” ទំនុកតម្កើង ២២:១៥-១៨ មានបន្ទូលថា “កំឡាំងទូលបង្គំហួតខ្សោះទៅ ដូចអំបែងឆ្នាំងអណ្តាតទូលបង្គំជាប់នៅក្រអូមមាត់ ទ្រង់បាននាំទូលបង្គំចុះទៅក្នុងធូលីនៃសេចក្តីស្លាប់ព្រោះមានឆ្កែមកឡោមព័ទ្ធទូលបង្គំហើយ មានពួកមនុស្សអាក្រក់ដើរក្រវែលជុំវិញទូលបង្គំ គេបានចាក់ទំលុះដៃជើងនៃទូលបង្គំ អស់ទាំងឆ្អឹងក្នុងរាងកាយនៃទូលបង្គំរាប់បានទាំងអស់ គេគន់មើល ហើយសំឡឹងមកទូលបង្គំ គេយកសំលៀកបំពាក់ទូលបង្គំចែកគ្នា ឯអាវវែងរបស់ទូលបង្គំ គេក៏ធ្វើឆ្នោតចាប់យក ឱព្រះយេហូវ៉ាអើយ សូមកុំគង់ឆ្ងាយពីទូលបង្គំឡើយ ឱព្រះដ៏ជាកំឡាំងនៃទូលបង្គំអើយ សូមយាងមកជួយទូលបង្គំជាប្រញាប់ផង” ទំនាយទាំងអស់ ត្រូវបានទាយទុកអស់រយៈពេលរាប់រយឆ្នាំមក មុនពេលដែលព្រះយេស៊ូបានកើតមក ហើយដែលសុទ្ធសឹងទាយទុកពីការដែលព្រះយេស៊ូត្រូវឆ្កាង ។ ការប្រហារជីវិតដោយឆ្កាង ក៏មិនបានប្រើនៅក្នុងគ្រាទំនាយនោះដែរ ។ យ៉ូហាន ១៩:១៧-២៤ បង្ហាញយើងនូវព្រឹត្តិការណ៍ជាច្រើន ជុំវិញការឆ្កាងលើព្រះគ្រិស្ត ដែលបានសម្រេចតាមសេចក្តីទំនាយក្នុងព្រះគម្ពីរសញ្ញាចាស់ ។ “ព្រះយេស៊ូវ ទ្រង់យាងចេញទៅ ទាំងលីឈើឆ្កាងទៅដល់កន្លែងហៅថា ភ្នំលលាដ៏ក្បាល ដែលភាសាហេព្រើរហៅថា គាល់កូថា គេក៏ឆ្កាងទ្រង់នៅទីនោះ ព្រមទាំង២នាក់ទៀតជាមួយ និងទ្រង់ដែរ ម្នាក់ម្ខាងៗ ហើយព្រះយេស៊ូវនៅជាកណ្តាល លោកពីឡាត់ធ្វើប្រកាស១បិទនៅលើឈើឆ្កាង មានសេចក្តីថា «នេះឈ្មោះយេស៊ូវជាអ្នកស្រុកណាសារ៉ែត ស្តេចនៃសាសន៍យូដា» មានសាសន៍យូដាជាច្រើនបានមើលប្រកាសនោះ ដ្បិតកន្លែងដែលគេឆ្កាងព្រះយេស៊ូវនោះនៅជិតទីក្រុង ហើយប្រកាសនោះ គេបានសរសេរជាភាសាហេព្រើរ ក្រេក និងឡាតាំង ដូច្នេះ ពួកសង្គ្រាជរបស់សាសន៍យូដា គេជំរាបលោកពីឡាត់ថា សូមលោកកុំសរសេរថា នេះជាស្តេចនៃសាសន៍យូដាឡើយ សូមសរសេរតាមវានិយាយវិញថា ខ្ញុំជាស្តេចនៃសាសន៍យូដា លោកពីឡាត់ឆ្លើយថា ឯសេចក្តីដែលខ្ញុំសរសេរ នោះបានសរសេរស្រេចទៅហើយ ឯពួកទាហាន កាលបានឆ្កាងព្រះយេស៊ូវរួចហើយ នោះគេយកព្រះពស្ត្រទ្រង់ចែកជា៤ចំណែក ឲ្យម្នាក់ៗបាន១ចំណែក ក៏យកអាវវែងទ្រង់ដែរ តែអាវនោះបានត្បាញពីលើជាសំពត់តែ១ គ្មានថ្នេរសោះ ដូច្នេះ គេនិយាយគ្នាថា កុំហែកអាវនេះឡើយ ចូរយើងចាប់ឆ្នោតវិញ ឲ្យបានដឹងជាអាវនេះនឹងទៅជារបស់អ្នកណា នោះដើម្បីឲ្យបានសំរេចបទគម្ពីរដែលថា «គេបានយកសំលៀកបំពាក់ទូលបង្គំចែកគ្នា ឯអាវវែងរបស់ទូលបង្គំ គេយកដោយចាប់ជាឆ្នោត» ពួកទាហានក៏ធ្វើដូច្នោះ។” បទទំនាយទី៦៖ សពរបស់ព្រះមែស៊ីត្រូវគេបញ្ចុះនៅក្នុងផ្នូររបស់បុរសជាអ្នកមានម្នាក់ ព្រះគម្ពីរអេសាយ ៥៣:៩ បានបន្ទូលថា .. “ហើយក្នុងកាលដែលទ្រង់សុគត នោះគេក៏បញ្ចុះសពទ្រង់នៅជាមួយនឹងពួកអាក្រក់ ហើយនៅក្នុងផ្នូររបស់អ្នកមានម្នាក់ ទោះបើទ្រង់មិនដែលធ្វើអំពើទុច្ចរិតណាមួយក៏ដោយ ក៏មិនដែលមានការបញ្ឆោតនៅក្នុងព្រះឱស្ឋទ្រង់ឡើយផង។” ព្រះគម្ពីរម៉ាថាយ ២៧:៥៧-៦០ បានបង្ហាញច្បាស់នូវទំនាយដែលបានសម្រេចពីការបញ្ចុះសពព្រះយេស៊ូ ។ “ដល់ល្ងាច មានមនុស្សអ្នកមានម្នាក់ ជាសិស្សព្រះយេស៊ូវ ឈ្មោះយ៉ូសែប ដែលនៅភូមិអើរីម៉ាថេ គាត់មកដល់ បានទៅឯលោកពីឡាត់ សូមព្រះសពព្រះយេស៊ូវ លោកពីឡាត់ក៏បង្គាប់ឲ្យប្រគល់ព្រះសពដល់គាត់ រួចកាលយ៉ូសែបបានយកព្រះសពមក នោះក៏រុំនឹងសំពត់ទេសឯកយ៉ាងស្អាត ហើយបញ្ចុះក្នុងផ្នូរថ្មី ដែលគាត់បានដាប់ក្នុងថ្ម កាលគាត់បានប្រមៀលថ្ម១យ៉ាងធំទៅបិទម៉ាត់ផ្នូរហើយ នោះក៏ចេញទៅបាត់។” បទទំនាយទី៧៖ ស្តេចដាវីដបានទាយអំពីការរស់ឡើងវិញរបស់ព្រះមែស៊ី ទំនុកតម្កើង ១៦:៨-១១ មានបន្ទូលថា “ទូលបង្គំបានតាំងព្រះយេហូវ៉ា នៅមុខទូលបង្គំជាដរាប ហើយដោយព្រោះទ្រង់គង់នៅខាងស្តាំទូលបង្គំ បានជាទូលបង្គំមិនត្រូវរង្គើឡើយ ហេតុនោះចិត្តទូលបង្គំអរសប្បាយ ហើយកិត្តិយសនៃទូលបង្គំបានរីករាយឡើង រូបសាច់នៃទូលបង្គំក៏នឹងនៅដោយសាន្តត្រាណដែរ ដ្បិតទ្រង់មិនទុកឲ្យព្រលឹងទូលបង្គំ នៅក្នុងស្ថានឃុំព្រលឹងមនុស្សស្លាប់ទេ ក៏មិនព្រមឲ្យអ្នកបរិសុទ្ធរបស់ទ្រង់ឃើញសេចក្តីពុករលួយដែរ ទ្រង់នឹងបង្ហាញឲ្យទូលបង្គំឃើញផ្លូវជីវិតវិញ នៅចំពោះទ្រង់មានសេចក្តីអំណរដ៏ពោរពេញ នៅព្រះហស្តស្តាំទ្រង់មានសេចក្តីអរសប្បាយ ជាដរាបតទៅ។” យ៉ូហាន ២០:៨-១០ បង្ហាញនូវការសម្រេចទំនាយនោះដោយរបៀបណា “សិស្សមួយនោះដែលមកដល់ផ្នូរមុន គាត់ក៏ចូលទៅឃើញដូច្នោះដែរ រួចគាត់ជឿ ដ្បិតគេមិនទាន់យល់បទគម្ពីរនៅឡើយ ដែលថា ទ្រង់ត្រូវរស់ពីស្លាប់ឡើងវិញ សិស្សទាំង២ក៏ត្រឡប់ទៅឯផ្ទះគេវិញ។” បទទំនាយទី៨៖ ព្រះមែស៊ីនឹងនាំសេចក្តីសង្រ្គោះមកកាន់គ្រប់ផ្នែកនៃផែនដី ព្រញគម្ពីរអេសាយ ៤៩:៦ មានបន្ទូលថា “ដ្បិតមានបុត្រ១កើតដល់យើង ព្រះទ្រង់ប្រទានបុត្រា១មកយើងហើយ ឯការគ្រប់គ្រងនឹងនៅលើស្មារបស់បុត្រនោះ ហើយគេនឹងហៅព្រះនាមទ្រង់ថា ព្រះដ៏ជួយគំនិតយ៉ាងអស្ចារ្យ ព្រះដ៏មានព្រះចេស្តា ព្រះវបិតាដ៏គង់នៅអស់កល្ប និងជាម្ចាស់នៃមេត្រីភាព” ម៉ាថាយ ២៨:១៨-២០ គូសបញ្ជាក់ថា “ឯព្រះយេស៊ូវ ទ្រង់យាងមកមានព្រះបន្ទូលនឹងគេថា គ្រប់ទាំងអំណាចបានប្រគល់មកខ្ញុំនៅលើស្ថានសួគ៌ ហើយលើផែនដីផង ដូច្នេះ ចូរទៅបញ្ចុះបញ្ចូលឲ្យមានសិស្សនៅគ្រប់ទាំងសាសន៍ ព្រមទាំងធ្វើបុណ្យជ្រមុជទឹកឲ្យ ដោយនូវព្រះនាមព្រះវរបិតា ព្រះរាជបុត្រា និងព្រះវិញ្ញាណបរិសុទ្ធចុះ ហើយបង្រៀន ឲ្យគេកាន់តាមគ្រប់ទាំងសេចក្តី ដែលខ្ញុំបានបង្គាប់មកអ្នករាល់គ្នាផង ហើយមើល ខ្ញុំក៏នៅជាមួយនឹងអ្នករាល់គ្នាជារាល់ថ្ងៃដែរ ដរាបដល់បំផុតកល្ប។” នៅក្នុងរយៈពេលពីរពាន់ឆ្នាំចុងក្រោយនេះ យើងបានសង្កេតឃើញចំនួនគ្រិស្តបរិស័ទមានការលូតលាស់ចាប់តាំងពីសាវកដែលដើរតាមតែប៉ុន្មាននាក់ប៉ុណ្ណោះចេញពីក្រុងយេរូសាឡឹម រហូតកើនជាង២.២ពាន់លាននាក់ នៅទូទាំងពិភពលោក ។ ចំនួននេះ ក៏ដោយសារតែមានការបៀតបៀនជាច្រើនបន្តបន្ទាប់ និងការរិតបន្តឹងដោយអំណាច ដែលបានព្យាយាមបញ្ឈប់ការរីកចម្រើន និងបំផ្លាញដល់គ្រិស្តបរិស័ទផង ។ ទំនាញទាំងអស់នេះ និងផ្សេងៗទៀត សុទ្ធតែបានបង្ហាញថា ព្រះគ្រិស្តគឺពិតជាព្រះមែស៊ី (ព្រះអង្គសង្រ្គោះ) ប្រាកដមែន ។ ទ្រង់គឺជាព្រះដែលយាងមកសង្រ្គោះ ។ ក្នុងព្រះគម្ពីរ យ៉ូហាន ៣:១៦ មានបន្ទូលថា “ដ្បិតព្រះទ្រង់ស្រឡាញ់មនុស្សលោក ដល់ម៉្លេះបានជាទ្រង់ប្រទានព្រះរាជបុត្រាទ្រង់តែ១ ដើម្បីឲ្យអ្នកណាដែលជឿដល់ព្រះរាជបុត្រានោះ មិនត្រូវវិនាសឡើយ គឺឲ្យមានជីវិតអស់កល្បជានិច្ចវិញ” ដោយសេចក្តីជំនឿ យើងអាចទទួលបានសេចក្តីសង្រ្គោះពីព្រះយេស៊ូ ដោយមិនចាំបាច់បង់ប្រាក់នោះឡើយ ៕ ប្រសិនបើលោកអ្នកចង់ស្វែងយល់ដឹងបន្ថែមអំពីព្រះជាម្ចាស់ដែលទ្រង់បានបើកសម្តែងពីវត្តមានរបសផងទ្រង់នៅក្នុងជីវិតរស់នៅនិងប្រវត្តិសាស្ត្រ លោកអ្នកអាចទាញយកនិងចែកចាយនូវវីដេអូជាភាសាខ្មែរដោយឥតគិតថ្លៃតាមរយៈតំណភ្ជាប់ខាងក្រោម: If you want to know more about God revealing himself in nature and history, you can download and share free Khmer language Christian videos at: www.internationalfishers.com/khmer www.internationalfishers.com/khmerblog www.facebook.com/internationalfishers www.youtube.com/evidencecambodia 
1 Comment
|
AuthorDarryl Record Archives
November 2021
Categories
International Fishers videos, in Khmer, are available in the NLF Cambodia app in the Resources (ធនធាន) tab. The NLF Cambodia app is available at the App Store (iOS) and the Google Play Store (Android).
http://lighttimes.co
ទស្សនាវដ្តីគ្រីស្ទានកម្ពុជាបោះពុម្ពជាភាសាខ្មែរ-អង់គ្លេស
Light Times is the only Khmer/English bilingual Christian Magazine in Cambodia
|
||
RSS Feed